صح أدري أبد ما عندك اخطاء
ولا زله اعرف موجوده بيه
محطات العمر جبناهه خوان
ولا يوم العرفنه الطائفيه
واذكرك لو جنت ناسي أذكرك
ثمن اعوام قاتلنه ابسريه
فد ماعون ناكل چنه بالجيش
وايدك ما تمدهه أله ابأديه
اومن انزل مجاز ادزني للبيت
ادز اغراض للهلك والتحيه
هسه اشبينه ليش اختلفت الناس
اوصار الموت عدنه اعله الهويه
أذا تذكر عمر نكطعلك الراس
لو من دارك اتشيل ابمسيه
واذا تذكر علي هم راسك ايطير
أذا دارك بقت لحظة ظويه
يا أبن الوطن رد ايدك اوياي
اوخل نلوي الأدين الأجنبيه
أخوان اوحبايب كل عمرنه
اومن نذكر علي صدك عمرنه
اوعمر مو بس عمركم هم عمرنه
وابو الحسنين ألكم ميه ميه
أترجاك تنسه اعتابك اوياي
واسف أن چنت غلطان أسف
واذا زعلان صفي اكليبك اليوم
اوسبني اشما ردت بس بالشفايف
أحنه اهل الكرم والجود يا خوي
ومضايفنه چذب منهه مضايف
أذا خطار جانه ابساعة العوز
نبيع ارواحنه اومنخله عارف
محتاجك يخويه اوياي أرجوك
لا تتركني ظل اوياي واكف
أبقه اوياي حته انقاتل الخوف
لأن وحدي أكلك أني خايف
أبشده العراق أولازم اوياي
توكف بالصدك مو بالسوالف
خنطلع امريكه الدنست الكاع
وأنه اوياك خنعقد تحالف
ماا صيرً ابدربك خويه عبوات
ولا تصبح عليه احزام ناسف
اجانب والعبو وسفه علينه
وعليهم احنه باذن الله علينه
اوغصب عنهم عمر ويه علينه
اوتظل اتباعهم اخ اويخيه
تحياتي الك ياعراق
ولا زله اعرف موجوده بيه
محطات العمر جبناهه خوان
ولا يوم العرفنه الطائفيه
واذكرك لو جنت ناسي أذكرك
ثمن اعوام قاتلنه ابسريه
فد ماعون ناكل چنه بالجيش
وايدك ما تمدهه أله ابأديه
اومن انزل مجاز ادزني للبيت
ادز اغراض للهلك والتحيه
هسه اشبينه ليش اختلفت الناس
اوصار الموت عدنه اعله الهويه
أذا تذكر عمر نكطعلك الراس
لو من دارك اتشيل ابمسيه
واذا تذكر علي هم راسك ايطير
أذا دارك بقت لحظة ظويه
يا أبن الوطن رد ايدك اوياي
اوخل نلوي الأدين الأجنبيه
أخوان اوحبايب كل عمرنه
اومن نذكر علي صدك عمرنه
اوعمر مو بس عمركم هم عمرنه
وابو الحسنين ألكم ميه ميه
أترجاك تنسه اعتابك اوياي
واسف أن چنت غلطان أسف
واذا زعلان صفي اكليبك اليوم
اوسبني اشما ردت بس بالشفايف
أحنه اهل الكرم والجود يا خوي
ومضايفنه چذب منهه مضايف
أذا خطار جانه ابساعة العوز
نبيع ارواحنه اومنخله عارف
محتاجك يخويه اوياي أرجوك
لا تتركني ظل اوياي واكف
أبقه اوياي حته انقاتل الخوف
لأن وحدي أكلك أني خايف
أبشده العراق أولازم اوياي
توكف بالصدك مو بالسوالف
خنطلع امريكه الدنست الكاع
وأنه اوياك خنعقد تحالف
ماا صيرً ابدربك خويه عبوات
ولا تصبح عليه احزام ناسف
اجانب والعبو وسفه علينه
وعليهم احنه باذن الله علينه
اوغصب عنهم عمر ويه علينه
اوتظل اتباعهم اخ اويخيه
تحياتي الك ياعراق