ياخوك انا عينـي دمرهـا سهرهـا والحال حال وعالم(ن) ربـي الحـال
لاشك عيني بـا السهـر ذا قدرهـا والقصد ابين لك عن احلام وئامـال
في خاطري مير الزمـن مانصرهـا ولا طلت من حلمي سوى ضيقة البال
بعض البشر فيني قصير(ن)نظرهـا لاشافت اني معسـر بجمعـة المـال
والمـال زينـه تكتمـل لاشكـرهـا والعبد مالـه كـود الأفعـال منـزال
من يفعـل الطيبـه تطيـب بثرهـا ولى الردي ماهو على الطيب ميـال
يمنـاي بيضـ ا والمراجـل ثمرهـا فقري شريف ومنزلي عنـد رجـال
ماطعت من نفسـه خطاهـا عثرهـا من ضيع دروبه على القيل والقـال
راحـت حياتـه غلطتـه ماذكرهـا حرمه وتلبس عندنا ثـوب وعقـال
لاشاف زلـه مـن رفيقـه نشرهـا والله لـولا غايتـي قلـت مـاقـال
النفس تغضب وانعذر مـن عذرهـا ترضى ليا صار الرضى يبعد شكـال
علمـت نفسـي تبتعدعـن جهرهـا اخاف من شرهة ثمينيـن الأقـوال
ناس(ن)عزيزه وأرتويـت بمطرهـا ما أرضى يجيهم سبتي ضيقة البـال