البوابة
قالولا جيشنا في قصرك والعرش انهار
قاللهم قصري في الجنة بين الابرار
قالولا رجالك مطبوعة على ورق قمار
قاللهم شعبي المقاوم كله ثوار
قالولا صورتك شلناها من ع الدينار
قاللهم صورتي محفورة في قلب الاحرار
قالولا شلنا تمثالك في لحظة طار
قاللهم حط في بنغازي جنب المختار
قالولا تسعى بيش تملك اسلحة دمار
قاللهم والله لو عندي ما هذا صار
قالولا وصلنا لعنقك وما بينا ثار
قاللهم عارف شن داير زيدوا العيار
قالولا موتك مؤكد ليش الاصرار
قاللهم هذا شعاري نموت ولا العار
قالولا اعدامك ما ينقل سر من الاسرار
قاللهم بثوا مباشر عبر الاقمار
قالولا اخبارك معروضة ع المستشار
قاللهم حتى وانا ميت نطلع الاخبار
من يجرأ يقول هذا مش معقول
********
قالولا خايف ومستسلم ومنهار وذال
جتنا الحقيقة اللي اتشرف عبر النقال
قالولا غادر كلاجىء وارحل في الحال
قاللهم عيب يقولوها وهذا مازال
قالولا الرجلة ماتنفع مرات هبال
قاللهم هلها انا ليها هاتوا الحبال
قالولا الحبل اللي فـ عنقك ما يجيبه مال
قاللهم خلا يجي يوم وايجيبه رجال
هذي العراق الجديدة ديمقراطية الفريدة
هذا التصالح بين لخوة وهذا الوفاق
يبدأ بالجثث المحروقة وقطع الأعناق
بفرق الموت الرهيبة سمعة بوغريب العجيبة
بين سنة وشيعة يتوسط لامام بلير
في يوم الوقفة على عرفة يعدم لاسير