البوابة
اسمك مو عراق
اسمك مو عراق اسمك ادموم تسيل
ما عندك فرح بس الحزن شانك
ماعندك علم ابيض واخضر بيه
بس اسود تراها انصبغت الوانك
ما تكفي الارض تدفن هوايه اجساد
صارت مگبرة هاليوم وديانك
لحظات السعادة توادعت وياك
بالهم والقهر مدگوگه بيبانك
حيطان الدول مرسومه كلها ورود
وانت مصبغات بكدر حيطانك
شمالك يا وطن عكس الخلگ ظليت
وابنوح وبواچي تبات نسوانك
هاي التنعه ابنه وذيچ راعي البيت
گلي ليا وكت ما تنتهي احزانك
وسفه يا وطن بجروحك ان تلوع
وابعين الصلافه اتباوع اخوانك
محد گام ضمد هالجراح البيك
وينه الي يفكر يطفي نيرانك
وين ابن الزنى والاصله ما مضبوط
من هاي النماذج قيس عدوانك
لا چن ماتطيح وبيك حامي الجار
وبدم الحسين انعدل ميزانك
وبنخوة گمر عدنان هذا الماي
سال بكل كتر يسگيه گيعانك
لازم تنفرج ما يبقى هيچ الحال
خل صبرك چبير وراسخ ايمانك
يظهر حجة الله وبالعدل يمليك
وباسم الامان يصير عنوانك
اسمك مو عراق اسمك ادموم تسيل
ما عندك فرح بس الحزن شانك
ماعندك علم ابيض واخضر بيه
بس اسود تراها انصبغت الوانك
ما تكفي الارض تدفن هوايه اجساد
صارت مگبرة هاليوم وديانك
لحظات السعادة توادعت وياك
بالهم والقهر مدگوگه بيبانك
حيطان الدول مرسومه كلها ورود
وانت مصبغات بكدر حيطانك
شمالك يا وطن عكس الخلگ ظليت
وابنوح وبواچي تبات نسوانك
هاي التنعه ابنه وذيچ راعي البيت
گلي ليا وكت ما تنتهي احزانك
وسفه يا وطن بجروحك ان تلوع
وابعين الصلافه اتباوع اخوانك
محد گام ضمد هالجراح البيك
وينه الي يفكر يطفي نيرانك
وين ابن الزنى والاصله ما مضبوط
من هاي النماذج قيس عدوانك
لا چن ماتطيح وبيك حامي الجار
وبدم الحسين انعدل ميزانك
وبنخوة گمر عدنان هذا الماي
سال بكل كتر يسگيه گيعانك
لازم تنفرج ما يبقى هيچ الحال
خل صبرك چبير وراسخ ايمانك
يظهر حجة الله وبالعدل يمليك
وباسم الامان يصير عنوانك